Shtatë të vrarë në Serbi

Mediet serbe bëjnë të ditur se gjatë të dielës, një person ka vrarë gjashtë persona në një dasmë me pushkë gjuetie, në një fshat të vogël në pjesën veriore të Serbisë. Autori i dyshuar i krimit më pas e ka vrarë edhe veten. Ngjarja ka ndodhur në fshatin Martonos, afër kufirit me Hungarinë. Autoritetet thonë se vrasja është nxitur nga “problemet e pazgjidhura familjare”, një ditë pas dasmës. Policia ka thënë se sulmuesi ka qenë në mes të 50-ve, ndërsa personat e vrarë kanë qenë të moshës nga 24 deri në 74-vjeçare. Prindi i të riut të martuar ka qenë kundër martesës së djalit të tij, me $`rast edhe është zënë me bashkëshorten, duke vrarë më pas gruan, nusen dhe prindërit e saj. Vrasësi gjatë të shtunës ishte dehur gjatë tërë ditës dhe gjatë mëngjesit të së dielës kishte ardhur në shtëpi për të kryer krimin. Në vitin 2013, një veteran i luftës së Ballkanit vrau 13 persona në një sulm të kryer në një fshat në Serbinë qendrore.