14:21:58 2017-10-17
Para Gjykatës së rrethit në Keln të Gjermanisë, të hënën ka filluar një proces gjyqësor lidhur me plaçkitjen e një pike karburantësh në Engelskirchen-Ründeroth. I akuzuar është shtetasi 35-vjeçar nga Kosova.
Pak pas orës 23.00 të ditës së ngjarjes, i akuzuari ka kërcënuar nëpunësin duke bërtitur: „Paratë, paratë, paratë“, e duke i plaçkitur më tepër se 1.200 euro. I pandehuri gjatë kësaj kishte mbajtur njërën dorë pas shpine, duke detyruar viktimën të mendojë se po mbante një arnë. Pas kësaj, kosovari është larguar me një biçikletë nga vendi i ngjarjes. Sipas akuzës, ai veprën e ka kryer në gjendje të fajësisë së reduktuar.
I pandehuri i ka pranuar tërësisht akuzat: „Më vjen keq. Shpresoj se ndonjëherë do t`ua kompensoj këto të holla“, ka deklaruar para trupit gjykues. Si arsye për plaçkitje, kosovari ka dhënë ngarkesën psikike që e kishte kapluar para se të dëbohej nga Gjermania. Ai gjithashtu ka pohuar se shqiptarët trajtohen jashtzakonisht keq dhe se Europa duhet t`i hapë dyert për ta.
Për shkak të vendimit, ai kishte shkuar tek një mjek të cilit i kishrte thënë se personalisht do të ndërmerrë diçka. Pas kësaj ka filluar të marrë medikamente, por të cilat pas një kohe të shkurtër i kishte lënë mënjanë.
Në akuzat e bashkëshortes së vet se ai kinse e ka keqtrajtuar, kosovari ka pohuar se është ajo e cila i keqtrajton fëmijët me intrigat e saj të cilat do ta dërgonin në psikiatri. Lëndimet e bashkëshortes së saj janë bërë personalisht nga bashkëshortja, si dhe mobiljet e shkatërruara.
Për hajnitë e ndryshme nëpër shitore tjera, fajin ia ka mveshur entit social. Të hollat që i ka pranuar nuk i kanë mjaftuar dhe shpeshë ka qenë i uritur. Në përgjithësi, qendra strehimore në Engelskirchen nuk ka qenë e përshtatshme për te, pasi ai është dashur të gatuajë, gjë të cilën nuk ka mundur ta kryejë dhe nuk ka pasur këshilltar pas kaq shumë vitesh.
Biçikletën e kishte vjedhur në afërsi të qendrës strehuese, pasi kishte vërejtur se nuk kanë qenë nën përkujdesje, shkruan „Rundschau-Online“, përcjellë „Shtegu.com“. Arsye tjetër për intervenim të policisë ka qenë edhe bashkëshortja, edhe pse në atë kohë ai ka jetuar ndaras nga ajo. E gjithë kjo, pasi kishte konsumuar alkool dhe kishte shkaktuar zhurmë në qendër, ndërsa banorët e saj e kanë alarmuar policinë. Këto akuza e kanë detyruar të pandehurin të qeshë para Gjykatës.
Procesi gjyqësor do të vazhdojë mëtutje, ndërsa vendimi pritet të shqiptohet gjatë fundit të kësaj jave.