LAJME

Shqiptari invalid ndryshon ligjin e të burgosurve në Gjermani

43 Lexime

Të burgosurit me aftësi të kufizuara, në burgun Rssnitz të Gjermanisë, në të ardhmen do të prangosen në karroca për invalidë. Së paku kështu është duke llogaritur udhëheqësia e burgut, pas arratisjes spektakolare të një shqiptari nga burgu Merseburg.
Shërbimi mjekësor i burgut, i ka përshtatur disa karrige përkatëse në të cilat, të burgosurit me aftësi të kufizuara do të mund të fiksohen dhe të prangosen, në mënyrë që të mos përsëritet arratisja e shqiptarit më 7 shkurt të vitit të kaluar nga Merseburg. I burgosuri shqiptar kishte arritur të arratisej, pasi ishte deklaruar si invalid duke bartur bastun. Kur iu kishte dhënë rasti, ai e kishte hedhur bastunin dhe ishte larguar në drejtim të panjohur. Si duket, ai vetëm e kishte inskenuar sëmundjen e tij. Por, që nga fillimi i prillit të vitit të kaluar, ai përsëri gjendet në burg, pasi autoritetet gjermane e kishin arrestuat gjatë një kontrolli në një pikë karburantesh. Për shkak veprës penale „plaçkitje e rëndë“, ai do të vuajë dënimin prej tre vitesh, shkruan portali „mz-web.de“