Alarmante: Kampioni shqiptar botëror në thai boks lufton për Shtetin Islamik

Kampioni i dyfishtë shqiptar në thai boks, sipas hulumtimeve të Televizionit shtetëror zviceran SRF1, është duke luftuar për Shtetin Islamik (SHI) në Siri. Të gjithë xhihadistët e njohur nga qyteti i Winterthurit në Zvicër, kanë ushtruar te i njëjti në një qendër sporti islamike
E gjithë nyja si duket qëndron tek ai: Valdet Gashi, kampion i dyfishtë në thai boks. Që të tre xhihadistët e njohur nga ëinterthuri ZH – Christian (i njohur me nofkën «Sandro»), Visari, i cili me motrën e tij gjatë Krishtlindjeve të vitit të kaluar kishin udhëtuar për në Siri, dhe Hajani, i cili si duket është vrarë në Xhihad, kanë ushtruar në tek qendra sportive e Valdet Gashit (MMA Sunna) në Winterthur, shkruan gazeta zvicerane *Blick“.
Në mes këtyre personave, ka pasur edhe ndërlidhje të tjera, pasi që të tre janë falur në xhaminë An’Nur, gjë të cilën e pohon kryetari i këshillit të xhamisë. Ai ka deklaruar se në shoqatën e tij nuk ekziston radikalizim, por se në xhami mund të vijnë „persona të paparashikueshëm“, të cilët mund të rekrutojnë të rinj në momentet më të vëshira.
Në faqen e tij në Facebook, Valdet Gashi ka shprehur ngushëllime për mikun e tij kurd Hajan dhe së bashku me te dëshiron të takohet në «Jannah-al-firdaus», në qiellin e shtatë. Sipas të njëjtave hulumtime, Valdet Gashi i është bashkuar SHI-së gjatë muajit janar të këtij viti, ndërsa me muaj të tërë vendqëndrimi i tij është sekret. Familja e tij në Singen të Gjermanisë beson se ai gjendet në jug të Tajlandës. Mirëpo, nga mesi i muajit maj, SRF1-shi kishte arritur ta kontaktojë Valdetin në Siri.
Në një telefonatë nëntëdhjetëminutëshe, Gashi është deklaruar qartë se ai e ka përqafuar ideologjinë e SHI. Me siguri se më me dëshirë do t`i përqafonte fëmijët e tij, por: „Po që se unë bëj diçka të mirë dhe më pas vdes, do të isha më i lumtur“; ka deklaruar Valdeti. Ai është i martuar dhe prind i dy vajzave. Në Siri është duke e përkrahur ndërtimin e të ashtuquajturit „Kalifat“.
Prindërit e Valdet Gashit janë në mënyrë decide kundër vendimit të birit të tyre: «Vendi i tij është tek fëmijët e tij, tek bashkëshortja dhe tek ne». Dyert e shtëpisë për Valdetin mbetur gjithnjë të hapura. Babai, deklaron: «Dëshiroj që ai ta mbajë fjalën që vetëm njerëzit në nevojë t`i ndihmojë dhe jo të bëjë marrëzira të tjera – dhe herëdo-kurëdo të kthehet tek ne. Pasi vendi i tij është këtu e jo gjetiu“.