Një 30-vjeçar nga Linzi mësohet se është përleshur me një grup shqiptarësh për shkak të zhurmave të vazhdueshme. Fatkeqësisht konflikti është përshkallëzuar plotësisht dhe një shqiptar 26-vjeçar ka përfunduar i shtrirë në rrugë i plagosur rëndë. Banori i Linzit i tërbuar thuhet se e ka goditur me thikë. Viktima ndodhet në spital
Konflikti lindi të dielën në mëngjes rreth orës 1:45 të mëngjesit në Stadlerstrasse në Bindermichl në Linz. Një grup shqiptarësh thuhet se kanë qëndruar para një pallati dhe kanë qenë shumë të zhurmshëm.
30-vjeçari, i cili jeton në katin e dytë të shtëpisë, mesa duket është zgjuar nga gjumi. Ai fillimisht u përpoq t’i qetësonte nga dritarja perosonat e trazuar, shkruan gazeta „Kronen Zeitung“. Por për shkak se kjo nuk funksionoi, ai më në fund doli në rrugë i tërbuar dhe u përball me shqiptarët.
Por në vend që të qetësonte situatën, sjellja e tij mund të ketë nxitur edhe më tej debatin. Ka ndodhur një sherr, si pasojë e së cilës 30-vjeçari dyshohet se ka goditur të paktën dy herë me thikë një 26-vjeçar shqiptar me një thikë që kishte marrë me vete, transmeton portali Shtegu. I riu ka mbetur i plagosur rëndë në tokë.
Sulmuesi më pas vrapoi përsëri në banesën e tij dhe u mbyll atje. Kur policia e lajmëruar mbërriti në vendngjarje, 30-vjeçari u arrestua pa rezistencë nga Forcat e Ndërhyrjes së Shpejtë (SIG). Pas konsultimit me prokurorinë publike, ai u dërgua në burgun e Linzit.
26-vjeçari u transportua në UKH Linz, ku mjekët konstatuan se plagët e tij fatmirësisht nuk ishin në rrezik për jetën.