Shqiptarët i demolojnë veturat në njëqind pjesë, ndalohen nga policia gjermane

31 Lexime

Policia bavareze në Gjermani, ka arritur të ndalojë transportin e njëqind pjesëve të veturave të vjedhura, të destinuara për në Shqipëri. Në autostradën, në relacionin Mynih-Salzburg në afërsi të Rosenheimit, hetuesit policorë kanë ndaluar dy autotransporterë të vegjël me autotarga britanike, thuhet në një komunikatë të policisë gjermane, të lëshuar gjatë të mërkurës, njofton „Shtegu.com„.

 

 

Gjatë kontrollit, ata kanë zbuluar pjesë të dhjetë veturave të ndryshme. Është vërtetuar se dyert e veturave dhe disa pjesë të tjera, ju përshtaten veturave të cilat para ca kohësh ishin plaçkitur në Britani të Madhe. Të dy shtetsit shqiptarë, mallin e vjedhur kanë dashur ta transportojnë për në Shqipëri. Pjesët e demoluara të veturave, atje kanë një çmim shumë më të madh se sa e tërë vetura.