19:24:18 2019-09-07
Trajneri i Kombëtares kosovare, Bernhard Challandes tashmë është duke shënuar suksesin e tij më të madh në karrierë, duke udhëhequr Kosovën në beteja të reja pa asnjë humbje. Një sukses që do t`ia kishte lakmi çdo trajner tjetër.
Të përkujtojmë se më 28 shkurt të vitit 2014, Challandes u angazhua si trajner i Kombëtares armene, por pas humbjes nga Shqipëria 1:2 më 30 mars të vitit 2015, ai u largua nga kjo kombëtare.
Vlen të përmendet se atëbotë, mediat zvicerna i dhanë jehonë shkarkimit të tij nga Kombëtrja armene:
„Blick“-u shkruante nga këndvështrimi zviceran
«Gashi e rrëzon përtokë Challandesin
Kështu titullohej shkrimi gazetës zvicerane „Blick“, në të cilin përshkruhet fitorja e vlefshme e Shqipërisë ndaj ekipit armen. Fitorja ishte rezultat i një bashkëpunimi ndërzviceran që u realizua në minutën 81`, kur Ermir Lenjani i rritur në Winterthur harkoi drejt Shkelzen Gashit me vendbanim në Zurich, i cili nuik e pati vështirë të shënojë me kokë, vazhdon gazeta në fjalë, informon Shtegu.com. Gashi vrapon në drejtim të flamurit anësor, godet gjoksin dhe feston golin e tij të parë për Kombëtaren shqiptare. Përderisa golashënuesi më i mirë në Zvicër feston, në anën tjetër, trajnerit zviceran të Armenisë, Bernard Challandes po i ngushtohet gjithnjë e më shumë rrethi. Pas katër ndeshjeve me Kombëtaren armene, në konton e tij ka arkëtuar vetëm një pikë dhe është para lamtumirës.», përfundon shkrimin gazeta në fjalë.