Shqiponja e ushtarëve shqiptarë irriton shefin e armatës zvicerane

Shefi i ushtrisë zvicerane André Blattmann, gjatë një interviste për të përditshmen zvicerane „20 Minuten“ lidhur me refugjatët të cilët janë duke ardhur në Zvicër, në mes tjerash është prononcuar edhe për ushtarët shqiptarë në Zvicër, të cilët e kishin bërë një foto publike duke ngritur duart në formë të shqiponjës dykrenare. Ai ka deklaruar se një gjest i tillë i diskrediton ushtarët me prejardhje migrantësh. „Nuk më bëhet qejfi kur në armatë ndokush bën deklarata politike. Duhet luftuar incidente të tilla. Por, pasi bëhet fjalë vetëm për një rast unik, unë jam i qetësuar“, ka përfunduar André Blattmann.