Në adresë të Agjencisë së lajmeve „Zhurnal“, kanë arritur disa fotografi nga ana e lexuesve të saj dhe sipas të dhënave që kanë pranuar bashkë me fotografitë, flitet për pamje të fotografuara nga shkolla fillore „Rajko Zhinzifov“ apo siç njihet ndryshe me emrin „Ismail Qemali“, në Komunën e Çairit, njofton Zhurnal.
Nga pamjet e paraqitura përmes fotografive, vërehen pamje trishtuese nga kushtet e tmerrshme me të cilat ballafaqohet kjo shkollë. Fotografitë tregojnë kushte mesjetare në mësonjtoret, korridoret dhe tualetet e kësaj shkolle.
Agjencia e lajmeve „Zhurnal“, fton Drejtorinë e shkollës fillore „Rajko Zhinzifov“, (Ismail Qemali) të prononcohet nëse këto foto janë të bëra në këtë shkollë, dhe nëse po, a do të ndërmerren masa për sanimin e këtyre anomalive me të cilat përballet për çdo ditë nxënësi shqiptar ? /Zhurnal/
