23:06:55 2016-06-12
Për momentin, me rrjedhën e Kampionatit Europian 2016, është duke u zhvilluar njëra nga ngjarjet më të mëdha në botë. Në Francë janë duke marrë pjesë 24 kombëtare për të fituar titullin e më të mirit në Europë. Edhe gjermanët sot u vërsulën drejt luftës për titull, ndërsa golin e parë e shënoi Shkodran Mustafi kundër Ukrainës! Por, edhe në jetën private gjithçka është duke shkuar si është më së miri për futbollistin shqiptar. Babai i tij ka kumtuar për „Promiflash“ se Shkodrani pas përfundimit të Kampionatit Europian do të martohet, njofton „Shtegu.com“!
Verën e kaluar ishte në kërkim të princezës së ëndrrave dhe në atë kohë kishte deklaruar: „Për momentin jam singëll, por unë jam vetëm 23-vjeçar dhe ende kam shumë gjëra për të bërë. Të shohim thjeshtë se çfarë do të sjellë ardhmëria“. Si duket, gjithçka shkoi më shpejtë se sa e kishte paramenduar, pasi futbollisti shqiptar i FC Valencia nuk është më beqar. Deri më tani, ai nuk ka treguar se cila është bashkëshkrtja e tij e ardhshme. Por, është fakt i pamohueshëm se pas përfundimit të Kampionatit Europian, Shkodrani do t`i thotë „PO“ më të dashurës së tij.