18:34:23 2016-10-15
Një shqiptar nëntëmbëdhjetëvjeçar është lënduar rëndë në qendrën strehimore për refugjatë në Halberstadt të Gjermanisë, raportojnë mediet gjermane, njofton „Shtegu.com“. Sipas një komunikate të policisë gjermane, 19-vjeçari nga Shqipëria dhe një serb 34-vjeçar kishin filluar zënkën. Më i moshuari e ka goditur shqiptarin me një këmbë metalike të tavolinës në kokë. Serbi është arrestuar menjëherë, ndërsa ndaj tij është ngritur aktakuzë për veprën penale „përpjekje për vrasje“. I lënduari është dërguar në qendrën intensive të një spitali të afërt.