Prokurori shqiptar në Zvicër Endri Gega
08:02:29 2016-01-29
Në mars të vitit 2014, nja shtetas francez e kishte vrarë një shqiptar në një park të vogël. Gjykata për krime e ka konfirmuar vrasjen.
Francezi i akuzuar e ka pranuar fajin se në muajin mars të vitit 2014, e kishte vrarë trafikantin e tij të drogës, një shqiptar 30-vjeçar, me së paku nëntëmbëdhjetë të goditura me çekan në fytyrë. Mëngjesin e së enjtes, ai është dënuar me pesëmbëdhjetë vite burg nga Gjykata e krimeve në Gjenevë të Zvicrës.
Kryesuesja Brigitte Monti ka theksaur se i akuzuari e ksihte planifikuar dy ditë më parë vrasjen, duke mos mbajtur llogari për lëngimet e viktimës, shkruan „20 Minutes“, njofton „Shtegu.com“. Ai ka reaguar me „dhunë dhe barbarizëm“ që më pas të qetësohet dhe ta fshehë kufomën dhe gjurmët e tij.
Ai gjithashtu është i obliguar që familjes së viktimës shqiptare t`i paguajë një kompensim prej 65.000 frangash zvicerane, për dhimbjet shpirtërore që u janë shkaktuar babait, nënës, bashkëshortes dhe të birit të viktimës, e të cilët jetojnë në Shqipëri. Ai ngarkohet edhe me një shumë prej 189.953 frangash për shpenzimet gjyqësore. Prokurori shqiptar Endri Gega, i cili kishte kërkuar 18 vite burg për të akuzuarin, ka pohuar se nuk do të ankohet për këtë vendim të Gjykatës. Nga ana tjetër, avokati mbrojtës i të dënuarit, Giovanni Curcio, ende nuk është prononcuar lidhur me këtë temë.