17:50:54 2016-05-14
Mbrëmjen e së premtes, në Ossingen të Zvicrës, një polic zviceran ka qëlluar me armë zjarri një kosovar 36-vjeçar, i cili ka dashur të arratiset nga një kontroll policor. Me këtë rast, ai ka ikur nga vendi i ngjarjes dhe i është nënshtruar ndihmës mjekësore në një spital, ku edhe u arrestua. Sipas një komunikate të policisë zvicerane në Cyrih, gjatë të shtënës me armë kosovari është qëlluar në krah. Pas daljes nga spitali, ai i është dorëzuar prokurorit përkatës. Për momentin është duke u hetuar nëse e shtëna me armë kë qenë e domosdoshme. Alarmin për reagimin e policisë e kishte dhënë një zvicerane, e cila kishte telefonuar në polici për të paraqitur një person të maskuar që e kishte vërejtur në lagjen e saj, duke u larguar me veturë. Policia e kishte ndaluar kriminelin e dyshuar, i cili e ka pranuar veprën.