09:13:21 2017-01-01
Gjatë një sulmi në një lokal të natës në Stamboll, së paku janë vrarë 39 persona, ndërsa 40 të tjerë janë plagosur. Në mesin e të vrarëve janë edhe 16 turistë të huaj.
Lidhur me shifrën e sulmuesve, ende mbetet i paqartë numri i tyre: Sipas CNN Turk, së paku dy persona të veshur në kostumin e babadimrit dhe të armatosur me kallashnikovë kanë hyrë në loakl, duke hapur zjarr. Gjatë asaj kohe, në lokal kanë qenë të pranishëm rreth 700-800 persona. Sulmi është kryer rreth orës 01.15, sipas kohës lokale.
Guverneri i Stambollit, Vasip Sahin ka deklaruar se bëhet fjalë për vetëm një sulmues. Sipas tij, bëhet fjalë për një sulm terrorist në lokalin Reina, në lagjen Ortaköy. Bëhet fjalë për një lokal ndër më të adhuruarit e qytetit, të cilin e vizitojnë edhe shumë turistë, njofton „Shtegu.com“. Por, dëshmitarët pohojnë se bëhet fjalë për dy sulmues. Sipas informatave të deritanishme, sulmuesi edne nuk është arrestuar. Dëshmitarët kanë pohuar se sulumesit kanë folur në gjuhën arabe.
