Kurdët vrasin shqiptarin dhe plagosin një tjetër, pas 20 vitesh para Gjykatës

06:04:11                 2016-12-31

Ishte njëra nga vrasjet e fundit në Steintor të Hanoverit në Gjermani, para se të përfundonte definitivisht lufta e bandave në zemër të qytetit.
Tre vrasës kishin shtënë në drejtim të dy shqiptarëve në një ëmbëltore, në afërsi. Njëri nga ta (22) vdes në vendin e ngjarjes, tjetri (18) mbijeton me plagë të rënda. Ngjarja kishte ndodhur në muajin gusht të vitit 1997.

 
Tash, pas njëzet vitesh më vonë, njëri nga të dyshuarit e treshes do të duhet të dalë para Gjykatës, informojnë mediet gjermane, njofton „Shtegu.com“. Nga 4 janari i vitit të ardhshëm, Mesut Y. (37) do të duhet të japë llogari para trupit gjykues të Gjykatës rajonale të Hanoverit. I akuzuari ishte arrestuar në Bullgari nga fundi i vitit të kaluar dhe i ishte ekstraduar Gjermanisë.

Deri më tani, me gjashtë vite burg është dënuar një anëtar i treshes vrasëse, në vitin 2001, për pjesëmarrje në vrasje, ndërsa perspni i tretë ende është në arrati.