08:05:02 2016-08-09
Tashmë disa vite, një familje zvicerane e ka kaluar pushimin veror në ishullin kroat Rab. Por, qëndrimi i fundit do të jetë ndoshta edhe vizita e fundit e saj në Kroaci. E gjithë kjo, pasi ishte shkaktuar një zënkë e përgjakshme në lidhje me keçapin, shkruan „Jutarnji.hr“.
Mbrëmja dramatike për familjen zvicerane kishte filluar pasi aytre iu ishin dukur çmimet e shtrenjta: Për ekstra keçap, pronari i restorantit kishte kërkuar eeërg dy euro, ndërsa për parmesan edhe katër të tjera. Irritimi u zmadhua edhe më shumë, pas shërbimit të ushqimit, i cili ka qenë i ftohtë.
Me këtë rast, familja zvicerane kishte kërkuar që të shënojë këtë mangësi në librin e ankesave. Por, shqiptari dhe njëherit pronar i restorantit Kastrioti Noshi, i njohur me nofkën Kastro, u ka thënë mysafirëve se tashmë nuk ekziston një libër i tillë, me ç`rast shkaktohet zënkë.
Kastrioti dyshohet se mysafirët jo vetëm që i ka goditur me grushte, por edhe me një okllagi, informon e përditshmja kroate, «Novi List» duke iu referuar një dëshmitari të rastit, njofton „Shtegu.com“. Zvicerani 28-vjeçar është lënduar rëndë, në sy të fëmijëve! «U shkaktua një kaos i vërtetë. Por, për fat të mirë erdhi policia dhe një ambulancë», ka pohuar dëshmitari. Për shkak të lëndimeve të rënda, zvicerani është shtruar në spitalin e afërt të Rijekës.
Pronari i restorantit, policisë i ka rrëfyer një histori tjetër: Zvicerani ka qenë ai qëe e ka ofenduar ate dhe i pari e kishte lënduar, ndërsa goditja me okllagi ka qenë e rastësishme. Okllaginë e kishte mbajtur në duar, pasi në atë moment ka qenë duke gatuar pica.
Përkundër gjithë kësaj, policia e ka arrestuar Kastriotin. Ndaj tij është duke u hetuar për veprën penale „shkaktim të lëndimeve të rënda trupore“. Përmes një kaucioni, ai sërish është liruar.