02:38:21 2016-01-04
Ekipi futbollistik grek i Ligës së parë, Olympiakos, me futbollistin shqiptar Pajtim Kasami ka arritur një rekord të ri në javën e gjashtëmbëdhjetë të Kampionatit grek, duke mundur ekipin e Panionios me rezultat 3:1.
Mbrojtësi i titullit të kampionit grek në futboll, deri më tani ka shënuar gjashtëmbëdhjetë fitore nga po aq ndeshje të zhvilluara në kampionat, duke barazuar rekordin e sezonit 2005/06, nën udhëheqjen e trajnerit norvegjez, Trond Sollied, njofton „Shtegu.com“. Në tabelën e klasifikimit, Olympiakos gjendet në vendin e parë me tetëmbëdhjetë pikë diferencë nga pasuesi i tij, AEK nga Athina.