LAJME

Organizon plaçkitje në bankë për ta kaluar dimrin në burg të ngrohtë

56 Lexime

Pasi dimrin e paralajmëruar donte ta kalojë në ndonjë burg të ngrohtë, një shtetas austriak nga Köflach, pasditen e së premtes ka kërcënuar një bankë me plaçkitje. Fillimisht, ai kishte dështuar, por herën e dytë arriti të sigurojë të hollat. Pas pak, personi i papunë është arrestuar në një restorant të afërt, pa dhënë ndonjë rezistencë.

 

 

I dëbuar nga e dashura e tij, pasi kishte shfrytëzuar edhe afatin e papunësisë për kompensim, duke i shtuar edhe dimrin e fortë të paralajëmruar – ishin disa paralajmërime të errëta për një shtetas austriak. Dëshira e tij në këtë moment ishte: Një vend të ngrohtë në burg, shkruan „Krone“, njofton „Shtegu.com“.

 

 
Rreth orës 15.45, ai kishte hyrë në bankën Raiffeisen, në Köflach: pa maskë, njërën dorë të mbështjellur me një peshqir, për t`i bindur të tjerët se nën te ka armë. „Plaçkitje, m`i sillni të hollat!“, iu kishte drejtuar nëpunësve. Por, ata nuk ia plotësuan urdhërin personit të cilit i vinte era alkool, prandaj ai ishte i detyruar të tërhiqet. Pasi konsumoi edhe një birrë, ai ishte kthyer sërish në bankë, me shpresë se do të ballafaqohej me policinë, por më kot. Prandaj ai organizoi edhe sulmin e dytë, duke blerë një thikë dhe sërish hyn në bankë. Me këtë rast, ai kërcënon një nëpunës me thikë, i cili ishte i detyruar t`i japë të holla.

 

 
Pas kësaj, ai shkon në një restorant në afërsi dhe të hollat e plaçkitura si dhe thikën, i vendosë në banak. Me të hollat e plaçkitura, ai i pagoi të gjitha borxhet që i kishte në retorant dhe në pritje të policisë, i urdhëroi të gjithë mysafirët që të dalin nga lokali. Për policinë austriake nuk paraqitej ndonjë vështirësi e madhe për ta gjetur sulmuesin, i cili pa ndonjë rezistencë u arrestua. Si duket, austriakut 47 vjeçar iu plotësua dëshira për burg, edhe ate bile për një kohë më të gjatë.