Nxënësit gjermanë e përkujtojnë vogëlushen shqiptare me këngën e saj më të dashur
13:18:14 2016-02-18
Tereza e vogël dhe motra e saj Dilora, sërish kanë filluar jetën në Shqipëri. Para pak ditësh, ato kanë vijuar sërish mësimin në shkollën e tyre të mëparshme, bile në të njëjtën klasë. Gëzimi gjatë takimit me shokët dhe shoqet e klasës, ka qenë i papërshkruar. Ato kanë humbur shumë orë mësimore, të cilat duhet t`i kompensojnë personalisht dhe kjo kërkon një angazhim të madh. Gjatë arratisjes në Gjermani, Tereza kishtë marrë me vete vetëm violinën dhe koferin e saj të gjelbërt. Por, para dy javësh, familja e saj ishte kthyer në Shipëri, pasi kishin pranuar vendimin negativ për rregullimin e qëndrimit në vend.
Në një intervistë për „ndr.de“, babai Artani ka deklaruar se arsimimi i fëmijëve të tij ka qenë motivi kryesor që ata të arratisen në Gjermani, njofton „Shtegu.com“. „Unë e di se fëmijët e mi janë të talnetuar, prandaj dëshiroja që të mësojnë në Gjermani“. Por, edhe përkundër kësaj, famija nuk ndjehet keq, pasi ajo posedon dy retorante në Tiranë, të cilat Artan Boci do t`i rihapë. Para disa muajve, lokalet e tij ishin sulmuar, prandaj familja kishte kërkuar strehim në Gjermani. Sipas Bocit, para disa muajsh, në restorantin e tij disa persona të panjohur kishin vendosur një granatë, duke i lënë edhe një mesazh me shkrim në të cilin kërcënohet edhe me atentate të tjerë. Ai rastin e kishte paraqitur në polici, por ajo nuk kishte mundur ta ndihmojë familjen e tij. „Prokurori më tha se nuk po arrin ta gjejë autorin. Unë besoj se ata mund ta gjejnë, por në Shqipëri zakonisht punët ia lënë viktimës për t`i zgjidhur“. Por, për momentin, Artani nuk dëshiron të flasë për këtë.
Vetëm para dy javësh, Tereza e kishte vijuar për herë të fundit mësimin në shkollën muzikore për violinë. Është hera e dytë që ajo tashmë është duke munguar. Mësuesi i violinës, Gino ka vetëm lajme të këqija për nxënësit: Tereza nuk do të kthehet më, pasi me familjen e saj është kthyer në Shqipëri. Mësuesi i violinës dhe nxënësit janë duke e vërejtur mungesën e vajzës së gëzuar shqiptare. Së bashku ata e interpretojnë këngën më të dashur të Terezës.
https://www.facebook.com/NDRfernsehen/videos/327574210700069/
Vegëz e ngjashme: