Të shtunën në mëngjes, qendra e thirrjeve emergjente kantonale St. Gallen mori një raport për një vrasje në një apartament në rrugën „Kniestrasse“. Me këtë rast është arrestuar një kosovar 35-vjeçar, ndërsa ka ndërruar jetë një kosovare 32-vjeçare
Vrasje në Rapperswil-Jona SG! Herët në mëngjesin e së shtunës në orën 03.20, një kosovar 35-vjeçar ka raportuar në qendrën e thirrjeve të urgjencës kantonale të St. Gallen se sapo kishte lënduar rëndë gruan e tij. Patrulla e policisë e vendosur ka mundur të gjejë dhe arrestojë burrin.
Gruaja (32) tashmë kishte vdekur, informon portali Shtegu. Ecurinë e saktë të ngjarjes dhe motivin po e sqaron Policia e Kantonit St. Gallen nën drejtimin e prokurorisë publike të kantonit. Në momentin e krimit në banesë ndodheshin edhe tre fëmijë që jetonin në të njëjtën familje. Nëse fëmijët e moshës një e gjysmë e 15 vjeç do të kishin vënë re diçka nga krimi, është objekt i sqarimeve. Fëmijët nuk kanë pësuar lëndime dhe po përkujdesen nga familjarët.
Policia nuk ka dhënë asnjë informacion për armën e përdorur. Një armë zjarri nuk ishte përfshirë, tha një zëdhënës i policisë kur u pyet nga Keystone-SDA.
U vendosën disa patrulla dhe specialistë nga policia e kantonit St. Gallen, shërbimi i shpëtimit me mjekun e urgjencës, instituti i mjekësisë ligjore dhe Prokuroria Publike e Kantonit St. Gallen.