Në një shkëmbim zjarri që u shkaktua pasditen e së shtunës në qendër të Grandsonit në Kantonin Vaud, janë plagosur disa persona. Të njëjtën mbrëmje, policia informoi për disa të plagosur që janë gjetur nënjë banesë.
Menjëherë u mobilizuan rreth njëzet oficerë policie me armë automatike dhe me jelekë antiplumb në rrugën „Rue Basse“, si dhe dy ambulanca dhe dy helikopterë.
Një dëshmitar pretendoi se kishte parë një veturë të llojit Peugeot të bardhë, e cila në kohën e shkëmbimit të zjarrit kishte qarkulluar me rreth “200 kilometra në orë”.
Për popullatën nuk ka pasur ndonjë rrezik, tha policia.
Sipas informatave më të reja, bëhet e ditur se gjatë këtyre të shtënave ka vdekur një person dhe janë plagosur katër persona të tjerë, shkruajnë mediat zvicerane, përcjell Shtegu.com.
Sipas hetimeve fillestare, zënka ishte shkaktuar për shkak të trafikimit të lëndëve narkotike.
Shkëmbimi i zjarrit u zhvillua në qendër të Grandsonit pranë Liqenit të Neuchâtelit rreth orës 12.20.