Një avion pasagjerësh nga Bazeli për në Shkup është dashur të fluturojë për shumë kohë mbi kryeqytet.

Edhe pse dukshmëria vlerësohej si e mirë, retë me bubullima janë vërejtur në 3 000 metra, ndërsa retë e shpërndara kanë qenë të pranishme në 6 500 metra, duke e ndërlikuar më tej situatën mbi aeroportin e Shkupit

Një avion pasagjerësh që fluturonte nga Bazeli për në Shkup kishte kohë që qarkullonte mbi kryeqytet, duke mos mundur të ulet në aeroportin e Shkupit për shkak të kushteve të paqëndrueshme të motit.

Sipas informacioneve të fundit nga stacioni meteorologjik në “Aeroportin Ndërkombëtar të Shkupit”, në orën 15:20, u vunë re kushte të paqëndrueshme të motit me bubullima, erëra të forta veriore dhe reshje të herëpashershme shiu. Era fryn nga veriu (340°) me një shpejtësi prej 11 nyjesh, duke arritur herë pas here deri në 15 nyje me drejtim të ndryshueshëm.