09:25:44 2016-03-18
Paraditen e së enjtes, në Aeroportin e Paderbornit në Gjermani, rreth orës 09:00 është kontrolluar një shqiptar 57-vjeçar, i cili po kryente kontrollin e rregullt në relacionin për Tiranë. Hetimet ndaj tij kanë dëshmuar se ai është i kërkuar me fletarrest, nga Prokuroria e Hannoverit.
Për shkak të veprës penale „tentim vrasjeje“, atij i kishin mbetur pa vuajtur edhe 251 ditë burgim, nga gjithsej 6 vite e gjashtë muaj dënim. Policia gjermane e ka arrestuar menjëherë shqiptarin dhe e ka dërguar në vuajtje të dënimit në Bielefeld, shkruajnë mediet gjermane, njofton „Shtegu.com“.