Mot i lig në Francë – breshër me madhësi sa topi i tenisit

Mot i lig e kaploi dje rajonin francez Overnja-Rona-Apli, ku ka rënë breshër me madhësi pothuajse sa topi i tenisit, ndërsa u regjistruan numër rekord – 73.700 vetëtima.

Enti meteorologjik të shtunën dha paralajmërim të portokalltë për tërë vendin, ndërsa ky rajon i cili ndodhet në kufi me Italinë dhe Zvicrën, është më i godituri nga moti i lig.

Në rrjetet sociale u paraqitën një numër i madh i video xhirimeve dhe fotografive, ndërsa në një prej tyre shihet se si në një pishinë bie breshër me madhësi të topit të tenisit.