11:34:30 2017-12-17
Nëpër rrjete sociale ende është duke qarkulluar një video në të cilën gazetraja e njohur shqiptare nga Maqedonia, Arta Tahiri, në emisionin e TV Alsat nga Shkupi „Rruga Drejt“, ku po diskutohej për qeverisjen e kryeministrit Nikolla Gruevski dhe ku të ftuar ishin Nikolla Gelevski – aktivist politik, Ermira Mehmeti – deputete e BDI-së dhe Stefan Vllahov Micev nga „Manifesti maqedonas“, organizatë që mbron politikat e VMRO-së, ky i fundit pati një përplasje verbale me drejtuesen e emisionit.
Micevin me sa duket e kishte shqetësuar përdorimi i gjuhës shqipe në emision dhe nisi të ofendojë dhe kërcënojë.
Teksa largohej nga studio, i dëbuar nga gazetarja Tahiri, Micev kërcënoi se, do të vijë koha që shqiptarët nuk do të mund të flasin gjuhën e tyre në Maqedoni. Ngjarja ka ndodhur dy vite më parë, por veprimi i moderatores shqiptare ka ngritur moralin tek popullata shqiptare, ndërsa në Youtube është klikuar rreth dyqind mijë herë. (Shtegu.com)