Mobilizim i gjermanëve për familjen shqiptare

Violeta dhe Irini Sageri me antarët e tjerë të familjes

17:13:44            2016-03-01

Shqiptari Renard Sageri ishte plagosur gjatë një sulmi me granatë. Porsa filloi sërich të ecë, ai u arratis me familjen e tij nga Shqipëria, për në Gjermani. Ata u vendosën në një fshat bavarez, duke u integruar në mënyrë të përkryer. Tani, atyre u kërcënohet dëbimi, ndërsa bashkia e fshatit ka protestuar.

Pas sulmit me granatë ndaj tij, Renardi i cili për pak sa nuk kishte vdekur, me familjen e tij kishte dashur të arratisej me çdo kusht nga Shqipëria. Familja e tij nuk ndjehej më e sigurt në Shqipëri. Në Bavari ata gjetën një strehim dhe u bënë pjesë e pandashme e bashkisë së fshatit. Që nga arratia e tyre në vitin 2014, ata u integruan në mënyrë të përkryer në Gjermani. Të gjithë e mësuan gjuhën gjermane, nëna Ela dhe babai Renardi punojnë zellshëm. Të gjithë banorët e fshatit kanë fituar përshtypje të mira për familjen gjashtanëtarëshe shqiptare, angazhimin e prindërve dhe tashmë kohë të gjatë e kanë në zemër. Megjithatë, përpjekjet si duket janë të kota: Familja Sageri do të shkojë menjëherë në një qendër riatdhesimi dhe atje të presë rezultatin e procedurës së azilit. Ela dhe Renard Sageri do të kundërshtojnë vendimin për dëbim me ndihmën e avokatit të tyre, të përkrahur nga shumica e fshatarëve dhe kryetari i komunës. „stern TV“ e ka takuar familjen Sageri dhe ka dëgjuar historinë e saj. Se çfarë gjasash ka një familje e integruar mirë nga një shtet me prejardhje të sigurt, historinë e familjes Sageri mund ta dëgjoni të mërkurën në „stern TV“, njofton „Shtegu.com“.