Benzinë në vend të naftës, shqiptari dëmton mjedisin jetësor në Gjermani

17:40:45            2016-03-01

Një vozitës shqiptar 37-vjeçar do të përballet me trupin gjykues në Lüneburg të Gjermanisë. Pasditen e së hënës, vozitësi shqiptar e kishte derdhur me vetëdije karburantin nga automjeti i tij „Daimler-Chrysler“ në rrugë të hapur. Arsyeja e këtij veprimi ka qenë mbushja e gabuar e automjetit me benzinë në vent të naftës. Policia e alarmuar gjermane, menjëherë e kishte organizuar nja shërbim për tërheqjen e veturës dhe shërbimet tjera nga Lüneburgu për të mbrojtur ambinetin jetësor. Paralelisht me këtë, autoritetet gjermane, në bashkëpunim me Prokurorinë shtetërore të Lüneburgut, i kanë marrë shqiptarit një depo prej 300 eurosh për të siguruar procesin gjyqësor ndaj tij.