Me ndihmën e Xherdan Shaqirit në Ligën e dytë

Ekipi futbollistik FC Prishtina nga Berna e Zvicrës, të shtunën do të zhvillojë ndeshjen e kthimit barazh, për inkuadrim në Ligën e dytë rajonale kundër ekipit FC Courroux. Ndeshja e parë kishte përfunduar pa fitues 1:1, ndërsa kryesia e klubit parasheh një spektakël të vërtetë, duke konfirmuar se si shikues do të jetë edhe super ylli kosovar, Xheradn Shaqiri. Në ndeshjen e cila do të fillojë në orën 17.00 ne fushën sportive Bodenweid, që gjendet në Freiburgstrasse 201, 3018 në Bernë (Bümpliz), pritet të tubohen rreth 2.500 shikues.