Gjatë mbrëmjes së të enjtes, rreth orës 19.30, në lokacionin Kluse të Gjermansisë, në një strehimore për refugjatë, një 42-vjeçar shqiptar e ka ther me thikë bashkëkombasin e tij 26-vjeçar, thuhet në një kumtesë të policisë gjermane. Pas hetimeve të deritanishme dhe sipas një dëshmitari të ngjarjes, për arsye ende të panjohura, 42-vjeçari e ka sulmuar më të riun me një thikë kuzhine. Viktima ka pësuar plagë në qafë, në fytyrë dhe në duar dhe për fat të mirë, ka arritur të ikë nga vendi i ngjarjes duke i shpëtuar më të keqes. Me një ambulancë, ai është dërguar në spital dhe sipas mjekëve, jeta e tij nuk është në rrezik. Policia dhe Prokuroria e Osnabrückut i kanë filluar menjëherë hetimet, duke arritur që të arrestojnë kryerësin e veprës. Gjatë kësaj është përdorur edhe qeni policor, ndërsa hetimet e mëtutjeshme janë në rrjedhë e sipër.
Gjermani: Theret me thikë një shqiptar
Date: