Ish luftëtari i ISIS-it, i cili aktualisht gjendet në një burg të Gjermanisë, për mediet e atjeshme ka dhënjë një intervistë në të cilën i ka cekur detajet rreth viktimave të organizatës terroriste. Në këtë intervistë, ai ka theksuar se ISIS-i nuk ka kurrfarë lidhje me Islamin, shkruan „Telegrafi“ britanik.
Nga burgu i Gjermanisë, 26-vjeçari Ebrahim B. rrëfen se në këtë burg e ka shumë më mirë se sa kur kishte luftuar në radhët e ISIS-it në Siri.
Ai gjithashtu ka rrëfyer se ka qenë i rekrutuar në xhaminë e Volfsburgut, në veri të Gjermanisë. Në këtë periudhë, atij i kishte ardhur shumë rëndë të shkojë në shkollë, ndërsa e kishte anuluar edhe fejesën.
„Përfundova në një shoqëri të keqe, ku të spjegojnë se si mysliman, ke të drejtë të martohesh me katër gra. Kush është ai që nuk i dëshiron katër gra? Kur të kyçesh aty, menjëherë të ofrojnë, ose të bëhesh luftëtar, ose vetëvrasës. Burgu në Gjermani është më i mirë se sa liria në Siri“, përfundon ai.
