08:16:34 2016-02-09
Përnjëherë, shpresat e vendeve të BE-së për zgjidhejn e krizës së migrantëve, janë drejtuar nga Maqedonia, të cilën e shohin si çelësi kryesor i zgjidhjes së kësaj krize. Pasi tashmë BE-ja nuk është duke i besuar Greqisë për të siguruar kufinjtë, në vend të saj parashihet që Maqedonia të bëhet mburojë e saj. Iniciator i kësaj nisme është kryeministri Miro Cerar, i cili ka përpiluar një plan të cilin e posedon „Bild“, njofton „Shtegu.com“.
Sipas këtij plani, vendet e BE-së do të duhet ta pajisin Maqedoninë me të holla, teknikë dhe personel, për të siguruar kufinjtë e saj me Greqinë.
Por, situata këtu komplikohet, pasi Maqedonia nuk është anëtare e BE-së dhe është kritkuar për trajtimin e ashpër të migrantëve. Maqedonia është dera hyrëse e itinerarit ballkanik për migrantë. Po të mbyllet kufiri i saj, migrantët do ta vërshojnë Greqinë. Kryeministri slloven është duke llogaritur se propozimi i tij, brenda pak ditësh do ta reduktonte në mënyrë sinjifikative hyrjen e migrantëve.