Lajm i keq për mërgimtarët që kalojnë nëpër Serbi

Serbia ka marrë një vendim që do t’i prekë edhe mërgimtarët që kalojnë nga autostradat e saj për të hyrë në Maqedoni dhe në Kosovë.

Serbia ka vendosur të rrisë për 12 për qind çmimin për kalim në secilën autostradë të saj, njofton agjencia e lajmeve INA.

Për shembull, taksa rrugore nga Beogradi deri në Suboticë në vend të 560 dinarëve do të kushtojë 630 dinarë, nga Beogradi në Nish, në vend të 800, do të kushtojë 896 dinarë. Pra, që nga dita e parë e muajit të ardhshëm, taksat rrugore për makinat do të kushtojnë 4.04 dinarë për kilometër në vend të 3.64 dinarë./INA