07:51:30 2016-01-03
Të gjithë menduan se bëhet fjalë për një aksident me fishekzjarre, por në trupin e Janinës është gjetur një plumb
Ishte një ftesë në prag të Vitit të Ri, si mijëra të tjera në Gjermani: Në një rrugë në Oberaurach të Gjermanisë, familjet kishin dalë për të festuar Vitin e Ri. U ndezën fishekzjarre, raketat u ngritën në ajër.
Papritmas, Janina e vogël njëmbëdhjetëvjeçare ishte shtrirë përtokë, pa vetëdije. Edhe pse u dërgua menjëherë në spital, ajo nuk i mbijetoi plagët e marra duke ndërruar jetë në mëngjes.
Pak më vonë, një obduksion i trupit të saj ka dëshmuar të vërtetën e hidhur: Janina ishte qëlluar me një plumb të armës me kalibër të vogël, mu në festën e Vitit të Ri! Ekspertët e hetuesisë gjermane kishin gjetur një projektil përkatës në trupin e saj. Prokurori nga Bambergu, Dr. Christopher Rosenbusch për „Bild“ ka deklaruar: „Jemi duke hetuar për vrasje“, njofton „Shtegu.com“.
Çfarë ka ndodhur në afërsi të Schweinfurtit, ku Janina me t`ëmën Magdalena dhe miqtë e festonin Vitin e Ri? Kush mund të ketë shtënë me armë zjarri në një familje me fëmijë të vegjël? Në njerëzit të cilët vetëm kanë qenë duke festuar Vitin e Ri?
Dëshmitarja Walentina S. (48) pohon: „Kemi mbetur pa fjalë. Edhe ne ishim atje deri nga ora 01.00 për të ndezur fishekzjarre. Unë e pashë në afërsi të një automati cigaresh një grua me tre fëmijë. Fëmija që u vra, i jepte fishekzjarre rregullisht t`ëmës. Për një moment unë dëgjova një zhurmë që dallohej nga ajo e fishekzjarreve, sikur dikush të ketë qëlluar në ndonjë metal. Ishte zhurm më e madhe se ajo e zakonshmja“.
Edhe banori Anton G. (64) kishte dëgjuar diçka të pazakosnhme: „Edhe unë dëgjova një zhurmë të çuditshme që nuk i ngjante fishekzjarreve. Bile, policia më ka pyteur nëse ndokush në afërsi ka armë“.