15:09:32 2016-12-12
Gjeneratat e vjetra nuk mund ta harrojnë periudhën e artë të viteve të 80-ta, kur klubi i futbollit Prishtina për pesë vjet rresht ishte në elitën e futbollit të shtetit që nuk ekziston më, Jugosllavia. Sarajeva, kryeqyteti i Bosnjës, njihet që ka pasur dy klube të forta të asaj periudhe, Sarajevën dhe Zhelezniçarin. Dhe gazetari sportiv nga Maqedonia, Reshat Ibrahimi, vizitoi stadiumin ‘Koshevo’ të Sarajevës dhe për një moment i mbushën sytë me lot kur kujtoj Prishtinën e asaj periudhe që bënte të lumtur kudo që janë shqiptarët. “Gjatë qëndrimit tim në Sarajevë vizitova edhe stadiumin e njohur të skuadrës se futbollit Sarajeva, “Asim Ferhatoviç” ose “Koshevo” e dikurshme. Dhe, për një moment mu kthyen mbrapa kujtimet e dikurshme, kur ekipi ynë i zemrës, Prishtina, luante me Sarajevën në kampionatin ish-jugosllav”, kujton Ibahinmi. “E shkela edhe terrenin e këtij stadiumit, aty ku kanë lënë gjurmë emrat e mëdhenj të Sarajavës si Husref Musemiç, Edhem Shljivo, Safet Sushiç etj”, tha Ibrahimi për gazetën kombëtare „Bota sot“.