Kosovari kërkohet nga Austria, arrestohet në Maqedoni

45 Lexime

23:20:22        2016-01-23

 

 

Një kosovar 29-vjeçar, i cili me bashkëkombasit e tij kishte kryer 18 plaçkitje në Austri, tashmë është arrestuar në Maqedoni.

 

 

Banda në të cilën ishte anëtar edhe kosovari, në periudhën prej majit 2013 deri në muajin maj 2015, më së tepërmi i ka plaçkitur sipërmarrjet. Nëpunësit policorë austriakë, kanë dëshmuar se kosovari ka qenë protagonisti kryesor i bandës profesionale kriminele.

 

 

Pas urdhërarrestit ndërkombëtar, i shumëkërkuari është hetuar në vendlindjen e tij në Kosovë, ndërsa është arrestuar në Maqedoni, shkruan „ORF.at“, njofton „Shtegu.com. Ai tashmë gjendet në paraburgim, në pritje të ekstradimit të tij për në Austri.