Kosovari çon në këmbë Zvicrën e Gjermaninë

Natën e së enjtes, roja kufitare zvicerane ka arrestuar një kosovar 26-vjeçar, me ndihmën e kamerës termike.

Rojet kufitare zvicerane dhe gjermane, natën e së enjtes kanë realizuar një aksion të përbashkët ndërkufitar, thuhet në një komunikatë të policisë zvicerane. Pak pas orës 20.00 të së mërkurës, në Egnach TG, autoritetet zvicerane kishin kontrolluar dy persona në një veturë me autotarga zvicerane. Vozitësi nuk ka dashur të identifikohet duke ikur nga vendngjarja.

Menjëherë ishte ndërmarrë një urdhërkërkim. Me këtë rast ishte aktivizuar edhe një helikopter i policisë federale gjermane, me kamerë termike. Kjo kishte ndihmuar që personi i kërkuar të zbulohej në një fushë të afërt.

Njëzetegjshtëvjeçari nga Kosova është arrestuar, ndërsa ai ka pasur ndalesë për të qëndruar në territorin zviceran, ku kishte qëndruar në mënyrë ilegale, shkruan „20 Minuten“, njofton „Shtegu.com“. Shtetasi 27 vjeçar serb, i cili në këtë ngjarje ka qenë vozitës i veturës, është akuzuar për mundësimin e qëndrimit ilegal të kosovarit. Që të dy personat i janë dorëzuar policisë kantonale në Thurgau, e cila aksionin e kishte përkrahur me disa patrulla policore dhe dy qenë nuhatës.