23:11:47 2016-01-15
Iniciatorët e projektit për ndërtimin e xhamisë të Bashkësisë Islamike Shqiptare (BISH) nga Grencheni i Zvicrës, kanë bërë të ditur se tashmë i kanë tubuar të gjitha të hollat e nevojshme. Pasi janë tubuar dy milionë franga, fillimi i punimeve mund të startojë.
Për të filluar punimet dhe për të dhënë komuna dritën jeshile, zyrtarët kërkojnë një dokument me shkrim se të hollat janë siguruar. Një shkresë e tillë ende nuk ka arritur në adresë të komunës, thuhet në sektorin e ndërtimtarisë të Grenchenit. Isa Ismaili nga BISH, për TV SRF ka deklaruar se tashmë janë tubuar dy milionë franga, ndërsa dokumenti i shkruar do të jetë vetëm një formalitet, njofton „Shtegu.com“.
BISH deri më tani është dashur të rinovojë dy herë lejen e ndërtimit, pasi të hollat ende nuk kanë qenë të tubuara. Qysh në vitin 2010, BISH iu ishte miratuar leja e parë për ndërtim. Pasi kjo e fundit skadon në prill të këtij viti, koha më nuk pret dhe punimet duhet filluar urgjentisht.