Këngëtarja zëbukur nga Shkupi, Kanita Suma, vjen për publikun shqiptar me një baladë për nënën, në bashkëpunim me këngëtaren Leonora Poloska.
Vogëlushja e cila u bë e njohur me kandidimin e saj në X-Factor Albania, ka zgjedhur këtë herë të garojë në një festival përballë yjeve më të mëdha të muzikës shqiptare.
“Digjem për Ty, nënë” quhet kënga me të cilën Kanita dhe Leonora do të marrin pjesë në festivalin “Kënga Magjike” në Tiranë, që do të mbahet në dhjetor.
Burime të afërta me Kanitën bëjnë me dije për “Zhurnal” se kënga e re do të ketë paraqitjen e saj të parë më 16 nëntor, në emisionin “E diela shqiptare” të shoumenit të njohur Ardit Gjebrea, në TV Klan.
Autor i teksti është Leonora Poloska, kurse muzika është kompozuar nga Darko Dimitrov.