Shkup, 2 nëntor – Një djalë dhe një vajzë nga Shkupi janë shpallur si të zhdukur nga familjarët e tyre.
Policia bëri me dije se shtetasja A.E (15), banuese e lagjes Çair, ka dalë nga shtëpia dhe nuk është kthyer më, 24 orë pasi është larguar.
Ndërkohë, bëhet me dije se edhe i riu 27 vjeç nga Shkupi, është zhdukur pa nam e nishan.
Fjala është për shtetasin M.M, i cili ka dy ditë që nuk është kthyer në shtëpi.
Komunikimi i tij i fundit ka qenë biseda me të ëmën e tij, së cilës i kishte thënë se po vdes dhe nuk do të kthehet më, dhe më pas kishte fikur celularin.
Policia ka ndërmarrë të gjitha masat për gjetjen e dy të zhdukurve.