Kallëzim penal për shkak të dyshimit për ndërhyrje të paautorizuar në zgjedhjet komunale

Vlefshmëria e zgjedhjeve komunale në Vernier GE po sfidohet. Një shtetas ka bërë kallëzim penal për shkak se dyshohet fortë për ndërhyrje të paautorizuar në zgjedhje. Anomalitë statistikore në rezultatet e zgjedhjeve ngrenë pikëpyetje

Vlefshmëria e zgjedhjeve të fundit komunale në Vernier GE po vihet në dyshim me një ankesë dhe një kallëzim penal. Ka dyshime të forta për ndërhyrje të paautorizuara në zgjedhje, raportojnë disa media.

Partia qendrore lokale e Vernierit konfirmoi raportet përkatëse nga „Tribune de Genève“ si dhe nga RTS dhe „Léman Bleu“ të hënën. Për rrjedhojë, një qytetar mësohet se ka bërë ankim në gjykata pasi ka qenë i mendimit se ka pasur dyshime të forta për ndërhyrje të paautorizuar në zgjedhje.

Partia kërkon që gjyqësori “të sqarojë plotësisht vlefshmërinë e zgjedhjeve” duke përcaktuar nëse gjithçka është bërë në mënyrë korrekte. Analiza e rezultateve zbulon anomali statistikore që janë të vështira për t’u shpjeguar.

Për shembull, fletëvotime të shumta nga lëvizja Liberté et Justice sociale (LJS), e themeluar nga Piere Maudet, u ndryshuan duke fshirë disa emra dhe duke shtuar sistematikisht dy ose tre kandidatë identikë nga grupe të tjera politike: një nga PS, një nga FDP dhe një nga Mouvement citoyens genevois (MCG).

Falë këtyre votave shtesë, këta tre kandidatë arritën një rezultat të jashtëzakonshëm në zgjedhjet për ekzekutivin tre anëtarësh të Vernierit, transmeton portali Shtegu. Kandidatët e SP-së dhe FDP-së madje morën më shumë vota se magjistratët e mëparshëm që kishin luftuar edhe për rizgjedhjen në ekzekutivin bashkiak.

Megjithatë, duke qenë se askush nuk kishte arritur një shumicë absolute, raundi i dytë i votimit ishte caktuar për 13 prill. Fillimisht ishte e paqartë nëse kjo do të ndodhte.

Të pyetur nga “Tribune de Genève”, të tre kandidatët shpjeguan rezultatet e tyre të mira me një fushatë aktive lokale. Ata shprehën gjithashtu qëndrimin se ndoshta do të kishin përfituar nga mbështetja e komunitetit, pasi një kandidat ka rrënjë kosovare, një tjetër ka origjinë kamerune dhe i treti ka prejardhje turke.