Ja si duket vozitësi maqedonas që konsumon kokainë gjatë vozitjes në Gjermani

18:54:52              2017-10-19

Paraditen e së mërkurës, në pikën kufitare Ruhstorf an der Rott të autostradës gjermane A 3, është realizuar një kontroll mbi veturën e llojit „BMW“ nga Maqedonia. Tek vozitësi 34-vjeçar maqedonas policia gjermane ka dyshuar në konsumim të lëndëve narkotike. Ndaj tij është kryer testi i urinës, i cili ka rezultuar me konsumim të kokainës. Pas kësaj, policia gjermane e ka dërguar maqedonasin në spitalin më të afërt për t`ia kontrolluar gjakun, thuhet në një komunikatë të policisë gjermane, përcjellë „Shtegu.com“.

Për gjobën që do të pasojë, ai është dashur të deponojë 500 euro para të gatshme. Vozitja e mëtejme i është ndaluar për 24 orët e ardhshme. „Shtegu.com“