17:50:08 2017-10-19
Natën e së enjtes, dy persona e kanë humbur jetën gjatë një aksidenti në afësri të lokacionit Nax në Zvicër. Policia e Kantonit Valis është në kërkim të dëshmitarëve.
Dyshohet se shkak i fatkeqësisë ka qenë shpejtësia e madhe, me ç`rast vozitësi e ka humbur kontrolln mbi veturë. Me këtë rast, vetura është përplasur në anën e djathtë të rrugës, duke goditur më pas një pemë. Vozitësi 20-vjeçar dhe bashkudhëtari i tij 27-vjeçar, që të dy me vendbanim në rrethinë, e kanë humbur jetën.
Rreth orës 06.00 të mëngjesit, një vozitës i rastit e ka hetuar aksidentin dhe menjëherë e ka alarmuar policinë, shkrujanë mediet zvicerane, përcjellë „Shtegu.com“. Në vendngjarje kanë arritur shumë shpejt ekipet e shpëtimit, të cilat vetëm se kanë mundur ta konstatojnë vdekjen e dy të rinjve.
Rruga në këtë relacion është bllokuar dhe devijuar në drejtime të ndryshme. Prokuroria shtetërore ka filluar hetimet deri në ndriçimin e plotë të rastit. Policia e Kantonit Valis është në kërkim të dëshmitarëve që mund të japin informata lidhur me aksidentin. (Shtegu.com)