12:57:44 2019-02-19
Xherdan Shaqirin (27) me Liverpoolin, mbrëmjen e së martës e pret dueli kryesor në Ligën e kampionëve me Bayern Munchen (ora 21.00). Por, përse ai e la rekorderin gjerman të titujve? Gazeta „Blick“ ka treguar prapavijën e largimit të tij në vitin 2015, përcjell Shtegu.com.
Xherdan Shaqiri dhe dashuria e tij për Bayernin filloi në vitin 2012. Kampioni t shumëfishte gjerman do ta transferojë për 15 milionë euro, për ta marrë atë nga FC Basel. Pason një sezon si një almanak: Kampion, fitues i kupës, fitues i Ligës së kampionëve nën udhëhehqjen e Jupp Heynckes.
Shaqiri luan 39 herë, shënon 13 gola dhe realizon 8 asiste. „Këtë do t`ua tregoj nipërve e mbesave të mia në moshën 100 vjeçare“, thotë Shaqiri.
Pastaj vjen Pep Guardiola si trajner. Dhe komunikimi në mes tyre nuk funksionon. Eskalimi i situatës ndodh më 22 gusht 2014. Gjatë ndeshjes në mes Bayernit dhe ëolfsburgut, konkurrenti i Shaqirit, Franck Ribery ishte i lënduar, ndërsa Shaqiri përkundër kësaj, mbetet në bankinën rezervë. Ky ka qenë momenti vendimtar që vulosi largimin e hershëm të Shaqirit.
Zemërimi i tij përforcohet nga fakti se ai dëshiron të shkojë në Brazil, pas Kupës Botërore 2014. Liverpooli i ka bërë një ofertë për 20 milionë eurosh, transmeton Shtegu.com. Shaqa dëshiron të largohet, bavarezët për momentin vënë veton e tyre. Por, ai më pas arratiset në Inter, në dimrin e vitit 2015.
Lothar Matthäus shpreh keqardhje në intervistën për „Blick“: „Unë do të doja të shihja atë në Mynih. Por, Pep Guardiola nuk është një tifoz i lojtarëve që largohen nga kërkesat ndonjëherë taktike.
Ndërsa Ottmar Hitzfeldi thotë: „Bayerni ka menduar në afat të shkurtër dhe ka gabuar, pasi Shaqiri do të ishte lojtari më ideal në ekip. Kjo është arsyeja përse ky ndryshim i Bayernit ishte nja gabim i madh.
Angazhimi me Interin ishte një keqkuptim. Në verën e vitit 2015, ai shkon në Stoke, tre vite më vonë Shaqa gjendet në Liverpool me Jürgen Klopp, i cili i dha besimin.
Tani ai do të takohet me Bayernin, për të cilin ai ka luajtur 81 ndeshje (17 gola). Shaqa do të jetë i motivuar – por për të lënë prapa Manchester Cityn me Guardiolën në luftën për titullin e kampionit, për te do të ishte kënaqësia edhe më e madhe.