09:50:08 2016-03-29
Në Gjykatën e rrethit të Bolzanos në Itali, të hënën është dënuar shqiptari 22-vjeçar R. Kuzari, i cili në periudhën prej nëntorit e deri në dhjetor të vitit 2013, ka sulmuar seksualisht pesë femra në Meran. Por, për momentin ai është i pakapshëm për Gjykatën, shkruan „stol.it“, njofton „Shtegu.com“.
Të hënën, ai është dënuar me dy vite e gjysmë burg, nga Gjykata e rrethit e Bolzanos.
Senati penal nën udhëheqjen e gjykatëses Carla Scheidle, ka vendosur gjithashtu që secilës femër t`i paguajë një dëmshpërblim prej 3.000 eurosh.
Shqiptari njëzetedyvjeçar është dënuar në mungesë, pasi për momentin është i pakapshëm për Gjykatën. Supozohet se ai është larguar në drejtim të Shqipërisë. Me sa duket, paditëset do të presin kot për dëmshpërblimet e veta.