Edhe një herë, një verimaqedonas i ri në Kantonin e Cyrihut, është përplasur me një veturë me fuqi të lartë kuajsh. Kjo është përplasja e dytë e këtij lloji brenda disa ditësh.
Kanë kaluar vetëm pesë ditë nga aksidenti i tmerrshëm në të Dietikon ZH të Zvicrës. Gjatë kësaj, lëndime të rënda kanë pësuar një nënë 42-vjeçare dhe vajza e saj katërvjeçare, pasi një BMË dhe Ford Focus u përplasën natën e së shtunës.
Në Effretikon ZH tani ka ndodhur një aksident i ngjashëm, shkruajnë mediat zvicerane, informon Shtegu.com. Siç shkruan policia kantonale e Cyrihut, një verimaqedonas 19-vjeçar ka qenë duke drejtuar BMË rreth orës 12:35, në rrugën Kemptthalstrasse drejt autostradës, kur vetura papritmas del në anën e kundërt dhe godet një furgon.
Vozitësi 54-vjeçar tentoi ta shmangte përplasjen, por pa sukses. Për fat të mirë, askush nuk u plagos në aksidentin në Effretikon, me gjithë goditjen e ashpër. Sidoqoftë, dëmet materiale vlerësohen si të mëdha. Për shkak të aksidentit, Kemptthalstrasse është dashur të mbyllej dhe trafiku të devijohej.