12:19:21 2019-05-02
Një grua e ka goditur me sëpatë burrin e saj pas një grindjeje, ka njoftuar policia për Tv SHENJA. Rasti ka ndodhur dje në fshatin Draçavicë. Sipas hetimeve fillestare, fillimisht burri i moshës afër 50-vjeçare ka tentuar ta qëllojë gruan me revole, por si duket ka pasur vështirësi për shkak se vuan nga sëmundja e sheqerit. Gruaja ka arritur t’ia marrë nga dora revolen dhe më pas ka marrë sëpatën dhe e ka goditur fillimisht me bisht e pastaj e ka therrur në fyt.
Policia ka dhënë detaje për tv SHENJA për incidentin, me ç`rast gruaja e ka prerë në fyt burrin e saj. “Më 1 maj 2019 në orën 14:52 në Sektorin për Punë të Brendshme Shkup, P. I (45) nga fshati Draçevicë i Shkupit ka njoftuar se e ka gjetur kusheririn e tij S. I, 54 vjeçar të vdekur nga goditjet me sëpatë. Sipas asaj që është paraqitur, ai paraprakisht e ka parë gruan e viktimës, 51 vjeçaren F. I., se si me sëpatë në dorë ka dalur nga shtëpia e burrit të saj. Vdekjen e ka konstatuar një mjek kujdestar i ndihmës së shpejtë. Policia ka dalë në vendin e ngjarjes dhe në shtëpinë e prindërve të saj e kanë gjetur F. I. Ajo është marrë nga policia dhe është mbajtur në stacion policor në Kisella Vodë. Pas urdhërit të prokurorit publik, trupi i S.I. është dërguar për obduksion në Insttitutin e Mjekësisë Ligjore në Shkup”, ka njoftuar policia. Tv SHENJA