Ylli shqiptar i Kombëtares zvicerane, Granit Xhaka është përjashtuar disa herë gjatë viteve të fundit. Madje në Europë është një nga grumbulluesit më të mirë të kartonëve të kuq, por muajt e fundit është qetësuar ndjeshëm
Nuk është sekret që Granit Xhaka ka grumbulluar tashmë disa kartonë të kuq gjatë karrierës së tij. Madje ai është një nga lojtarët më të sanksionuar në botë – këtë e zbulon një statistikë e publikuar në “Transfermarkt”. Janë marrë parasysh vetëm përjashtimet që kanë ndodhur në klube gjatë dhjetë viteve të fundit, transmeton portali Shtegu.
Dhe aty kryeson Granit Xhaka (32 vjeç) me nëntë kartonë të kuq – asnjë lojtar që nuk është mbrojtës nuk ka më shumë. Por në njëmbëdhjetë gjejmë edhe një lojtar tjetër të njohur në Zvicër: ish-ylli i FC Sion Mario Balotelli (34 vjeç) grumbulloi tetë të kuq.
Por Granit Xhaka duket se është qetësuar, pasi ka marrë katër nga nëntë kartonët e kuq në vitin 2015. Për më tepër, ai nuk është përjashtuar për më shumë se tre vjet, të paktën në nivel klubi. Me Kombëtaren zvicerane, është një histori tjetër.
Theo Hernandez nuk mund të thotë të njëjtën gjë. Ylli i Milanit mori kartonin e kuq javën e kaluar në Ligën e Kampionëve dhe, në moshën 27-vjeçare, është lojtari më i ri në këtë 11-të.