16:31:50 2016-08-11
Fund i mirë për dy këlyshë të arushës nga Shqipëria. Për të shtuar interesin e turistëve, ata u keqtrajtuan në masë të madhe. Tashmë, këlyshët janë sjellë në kopshtin e arinjve në Bad Rippoldsau-Schapbach të Gjermanisë, ku do ta kenë vendbanimin e tyre të përhershëm.
Gjatë kohës që turistët në bregdetin shqiptar po i shijojnë pushimet e tyre, këlyshët e arushës tërhiqen zvarrë me zinxhirë nëpër plazh, të ekspozuar në temperaturat e larta, raporton „Fondacioni i arinjve“ nga Nordschwarzwald.
Për ushtruesit e këtij fenomeni është një biznes i majmë, duke i detyruar turistët që të dhurojnë mjete financiare, nga pamjet e trishtueshme të këlyshëve të përvuajtur.
Por, këto të holla nuk u dedikohen arushave, porse pronarëve. Së paku për dy këlyshë nga Shqipëria, tortura ka përfunduar duke i falënderuar „Fondacionit të arinjve“, shkruan „swr.de“, njofton „Shtegu.com“. Vendbanimi i tyre i ri tashmë gjendet në kopshtin e fondacionit në Schwarzwald. Sipas anëtarëve të këtij fondacioni, arinjtë e vegjël nuk janë në gjendje të lihen në natyrë të hapur.
Shpëtimi i këtyre arinjve është vetëm një përjashtim, thuhet në një kumtesë të fondacionit. Operacioni duhet vazhduar në vendngjarje. Me këtë rast, fondacioni do të përpiqet t`i sqarojë gjerat me organizatat në Shqipëri, për të sensibilizuar politikaën e atjeshme lidhur me këtë temë.