Autolarësi ia dëmton veturën 60 mijë euroshe mërgimtarit

39 Lexime

16:17:44              2016-08-12

 

 

 

 

Gjithnjë e më shumë po afrohet koha e përfundimit të pushimeve për bashkatdhetarët tanë në vendlindje. Shumica kthehen me buzëqeshje në fytyrë, pasi kanë takuar të afërmit e tyre, por dhe me brengë të madhe në zemër duke i lënë edhe për një vit të tërë, nën katrahurën e jetesës ballkanike. Ka edhe raste kur shumica e tyre ankohen në mikrpitjen, ironizimin me ta, apo edhe dëmtimin e pronës apo gjërave të tjera të vlefshme. Në redaksinë e „Shtegu.com“, ka arritur një shkresë nga një bashkatdhetar i yni, të cilit ia kanë dëmtuar veturën e re sportive të llojit „Audi“, e cila ka një vlerë shitëse prej rreth 60 mijë eurove. Bëhet fjalë për një larës veturash në rrugën „Mara Mezhdurecka“ në Shkup, i cili pronarit i ka premtuar se veturën do t`ia lajë me shamponin e llojit Sonax (lloj shamponi i Gjermanisë). Por, atij ia „thyen zemrën“ dhe e dëshpërojnë në masë të madhe, pasi ai pohon se ia kanë dëmtuar veturën. Nga ana tjetër, autolarësi kundërshton në $do mënyrë dëmtimin e saj, duke pohuar se vetura ka qenë në gjendje të tillë. Në fotot e mëposhtme mund të shihet se si është dëmtuar pjesa e përparme e veturës, nga shamponi „special“ i autolarësit dhe vendndohja e tij.

 

 

 

23564