09:57:57 2016-04-22
Në Minden të Gjermanisë, natën e së enjtes në të premte, është shkaktuar një zënkë si pasojë e së cilës ka mbetur i plagiosur rëndë një person. Në një të ashtuquajtur qendër komunale të akomdimit, dy shqiptarë kanë filluar grindjen, thuhet në një komunikatë të policisë gjermane, njofton „wdr1“, transmeton „Shtegu.com“.
Sipas hetimeve të para, shkak i zënkës ka qenë një shitje e celularit. Me këtë rast, njëri nga shqiptarët, ka nxjerrë thikën dhe e ka goditur tjetrin. Ky i fundit ka pësuar plagë të rënda, ndërsa sulmuesi është arrestuar menjëherë. Policia gjermane është duke punuar në ndriçimin e plotë të rastit.